Նիկոլ Փաշինյանի հրապարակած նամակի հեղինակը կեղծ չէ

Politik.am կայքը օգոստոսի 29-ին հոդված էր հրապարակել՝ կասկածի տակ դնելով վարչապետ Նիկոլ Փաշինյանի կողմից իր Ֆեյսբուքյան էջում տեղադրված շնորհակալական մեկնաբանության հեղինակի իրական լինելը։

Վարչապետի՝ օգոստոսի 29-ին տարածած լուսանկարում Մարիամ Ավետիսյան անունով ֆեյսբուքյան օգտատերը նշում է, որ ունի խմորեղենի փոքրիկ արտադրություն, որի աշխատանքներն աշխուժացել են հեղափոխությունից հետո, ինչի համար շնորհակալություն է հայտնում վարչապետին։  

Politik.am-ի հոդվածում գրառման հեղինակի էջը կասկածելի է որակվում։ Դրա համար հիմք է հանդիսացել նաև այն, որ կայքի լրագրողն անձնական նամակով փորձել է կապ հաստատել Մարիամ Ավետիսյան օգտատիրոջ հետ, սակայն արգելափակվել է։

«Փաստերի ստուգման հարթակին» հաջողվեց կապ հաստատել գրառման հեղինակի հետ և զրուցել։

https://www.facebook.com/nikol.pashinyan/photos/a.1895098537477199/2394413277545720/?type=3&__xts__%5B0%5D=68.ARCr8mHdGkm16wKWTnz4Ea_x7u-jwwiPIu-COqFfOv0dfMv468ctt-CW1luzUXDnovThP_mSLl87nik89Ga7gNfY97T6dlO0pK15MepghjmN0OTqIqY6K_D8Px5vM95lzVLsz0_T0YEEgmA2nBrsqzdagM8OKBIFH7IWGu0KMy-7OuLsO_Ocw5RsEHLglAvPea8AYPkkHkkyIVt9g5hHTBxW8VIlZVM-VrVtjktsskXxza3xYiq6ptA6-GQ06WBS0DLwotrh33-U2g4h76Bpv4apssbUjUlPq9g5ruxF_KtSPNfr-AVbtjhDDMmMIdB8op8d00Jsk5_sE3hIJkS-1mElkb6Y&__tn__=-R

Վերջինս Ֆեյսբուքում ընդունեց մեր «ընկերության հրավերը» և նշեց, որ գլխավոր նկարում իր թոռնուհին է և էջը կեղծ չէ։ Օգտատիրոջ էջում առկա են բազմաթիվ անձնական նկարներ, որոնցից մի քանիսը ներկայացնում ենք ստորև։

Մարիամ Ավետիսյանը 2018-ին Երևան քաղաքի ավագանու արտահերթ ընտրությունների ժամանակ եղել է թիվ 8/18 տեղամասի հանձնաժողովի անդամ։

Մարիամ Ավետիսյանը նշեց, որ իր փոքրիկ խմորեղենի արտադրամասը գտնվում է Շենգավիթում՝ Գարեգին Նժդեհ 13 հասցեում։ Տրամադրեց նաև արտադրամասի ֆեյսբուքյան էջը։ 

Politik.am-ը գրել է նաև, որ թեև Մարիամ Ավետիսյանի էջը ստեղծվել է 2015-ին, սակայն առաջին հրապարակումը  եղել է 2018-ի դեկտեմբերին։ Այս հայտարարությունը ևս սուտ է, քանի որ Ավետիսյանի էջում գրառումներ կան սկսած 2016-ից։

Ուշագրավ է, որ Politik.am-ի հոդվածը վերահրապարակել է նաև 7or.am կայքը։

Այսպիսով, Նիկոլ Փաշինյանի տարածած նամակի հեղինակը կեղծ չէ։

Թարմացում. Նյութի պատրաստման ընթացքում նկատեցինք, որ Politik.am կայքից հեռացվել է վերոնշյալ հոդվածը։ Սակայն մեզ մոտ պահպանվել են հոդվածի սքրինշոթերը։

Ստորև ներկայացնում ենք հոդվածի սքրին-շոթը։