Քարոզիչները՝ փաստեր ստուգողներ․ Ռուսաստանում պետական հովանավորչությամբ ֆաքթչեքինգ են անում

Կրեմլամերձ ռուս քարոզիչները փաստերի ստուգման հարթակ են ստեղծել, որի թողարկումների մեկնարկի մասին ապրիլի 9-ին անձամբ հայտարարել էր ՌԴ ԱԳՆ պաշտոնական ներկայացուցիչ Մարիա Զախարովան։ Փաստերի ստուգման ռուսական այս նախաձեռնության՝ GFCN-ի մասին հայտարարվել էր դեռևս նախորդ տարվա նոյեմբերին։ Դրա նախաձեռնողները Ռուսաստանի իշխանամերձ շրջանակներն են՝ ՏԱՍՍ-ի (ТАСС) գործադիր տնօրեն Անդրեյ Կոնդրաշովը և «Երկխոսություն» ոչ կոմերցիոն կազմակերպությունը (АНО «Диалог регионы»)։