Որ երկրներից են դիմում ՀՀ քաղաքացիություն ստանալու համար․ ինֆոգրաֆիկա

«Փաստերի ստուգման հարթակն» ամփոփել է Հայաստանի Հանրապետության քաղաքացիություն ստացած անձանց տվյալները՝ ըստ տարեթվերի և ծագման երկրի։ 

ՀՀ ներքին գործերի նախարարության Միգրացիայի և քաղաքացիության ծառայության տրամադրած տվյալների համաձայն՝ 2014-2024 թվականներին հայկական անձնագիր է ստացել ընդհանուր առմամբ 142,398 մարդ․ ընդ որում, ՀՀ քաղաքացիության համար դիմածների ամենաբարձր թիվը գրանցվել է 2023 թվականին, իսկ ամենացածրը՝ 2021 թվականին։ 

Նշված ժամանակահատվածում ՀՀ քաղաքացիության համար դիմել են հիմնականում հետխորհրդային և արաբական մի շարք երկրներից, ինչպես նաև Իրանից, ԱՄՆ-ից և Ֆրանսիայից։ 

2014-2024 թվականներին ՀՀ քաղաքացիության համար ամենից շատ դիմածների ծագման երկիրը Ռուսաստանի Դաշնությունն է․ ընդ որում, թիվը կտրուկ աճել է 2022-2024 թվականներին՝ Ուկրաինա ՌԴ ներխուժումից հետո։ 

Ծառայությունից հայտնում են, որ նշված ժամանակահատվածում այլ երկրներից քաղաքացիություն ստացածների ընդհանուր թիվը կազմում է 13,441, սակայն հարցման պատասխանի մեջ այդ երկրները մասնավորեցված չեն։ 

Միևնույն ժամանակ, ծառայությունից հայտնել են, որ քաղաքացիություն ստացածների  ազգության, սեռային պատկանելության կամ տարիքային բաշխվածության վերաբերյալ վիճակագրություն չեն վարում։

Նանե Մանասյան

[easy-social-share buttons="facebook,twitter,vk,telegram" counters=1 style="icon" point_type="simple"]