Հայ-ադրբեջանական հակամարտության մասին ԱՄՆ սենատորի խոսքերը վերագրվել են ՀՀ-ում ԱՄՆ դեսպան Թրեյսիին

Նոյեմների 30-ին ԱՄՆ Սենատի արտաքին հարաբերությունների հանձնաժողովի լսումների ընթացքում ՀՀ-ում ԱՄՆ դեսպան, Ռուսաստանում ԱՄՆ դեսպանի թեկնածու Լին Թրեյսին անդրադարձել է հայ-ամերիկյան և հայ-ռուսական հարաբերություններին։ 

Հայաստանյան մի շարք ԶԼՄ-ներ, մասնավորապես, 1in.am, Factor.am, 24news.am և այլ լրատվական կայքեր, լուսաբանելով այս ելույթը, պնդել են, թե Թրեյսին ասել է հետևյալը․

«ԱՄՆ-ն արժեքավոր դեր ունի Հայաստանի և Ադրբեջանի միջև լարված հարաբերությունների կարգավորման գործում։ Հակամարտության առանցքում, իհարկե, վիճելի տարածքներն են և այնտեղ ապրող հայերի և ադրբեջանցիների իրավունքները պաշտպանող կայուն լուծում գտնելու անհրաժեշտությունը: Տարածաշրջանից (Հվ․ Կովկաս) Ռուսաստանի հետ քաշվելու դեպքում ԱՄՆ-ի համար այժմ սահմանափակ հնարավորություն կա ավելի ուժեղ դեր ստանձնելու և արյունահեղությանը վերջ տալու համար»։ 

«Փաստերի ստուգման հարթակը», ուսումնասիրելով ԱՄՆ Սենատի արտաքին հարաբերությունների հանձնաժողովի լսումները, պարզեց, որ վերոգրյալ խոսքերի հեղինակը ոչ թե Թրեյսին է, այլ սենատոր Ջիմ Ռիշին:

Այսպիսով, հայաստանյան մի շարք կայքեր Թրեյսիին՝ որպես ԱՄՆ դիվանագիտական ներկայացուցչի, վերագրել են մտքեր, որոնք հնչեցրել է այդ երկրի օրենսդիր մարմնի ներկայացուցիչը։ 

Նանե Մանասյան 

[easy-social-share buttons="facebook,twitter,vk,telegram" counters=1 style="icon" point_type="simple"]