2018-ից մինչ այժմ 11,830 արական սեռի անչափահաս հրաժարվել է ՀՀ քաղաքացիությունից

Հայաստանում արական սեռի քաղաքացիները շարունակում են հրաժարվել ՀՀ քաղաքացիությունից․ 2018-2024 թվականների ընթացքում ՀՀ քաղաքացիությունից հրաժարվել է ընդհանուր առմամբ 11,830 արական սեռի քաղաքացի։ 

«Փաստերի ստուգման հարթակը», հաշվի առնելով թեմայի վերաբերյալ բազմաթիվ ընթերցողների հետաքրքրությունն ու խմբագրություն ուղղված՝ թեման ուսումնասիրելու խնդրանքները, հարցմամբ դիմել էր ՀՀ ներքին գործերի նախարարության Միգրացիայի և քաղաքացիության ծառայություն՝ պարզելու, թե 2018 թվականից մինչև այժմ որքան արական սեռի անչափահաս քաղաքացի է հրաժարվել ՀՀ քաղաքացիությունից։ 

Ի պատասխան, Միգրացիայի և քաղաքացիության ծառայությունից հայտնել են, որ  է 2018-2024 թվականների ընթացքում ՀՀ քաղաքացիությունից հրաժարվել է  մինչև 18 տարեկան արական սեռի 11,830 անձ։ 

2018 թ․-ին դադարեցվել է 1899 ՀՀ քաղաքացու քաղաքացիություն։ 

ՀՀ քաղաքացիությունից հրաժարված արական սեռի անձանց ամենամեծ թիվը կազմել է 2019 թվականին՝ 2264 անձ։ 

2020 թ․-ին Հայաստանի քաղաքացիությունից հրաժարվել է 1543 անձ, 2021 թ․-ին՝ 2056, 2022 թ․-ին` 1953, իսկ 2023 թ․-ին 1625 արական սեռի անչափահասների ՀՀ քաղաքացիությունն է դադարեցվել։

2024 թ․ օգոստոսի 1-ի դրությամբ 490 մինչև 18 տարին լրացած արական սեռի անձ է հրաժարվել ՀՀ քաղաքացիությունից։

Այսպիսով, 2024-ի ութ ամիսների վիճակագրությունը ցույց է տալիս, որ ՀՀ քաղաքացիությունից հրաժարվելու դեպքերի քանակը, ի տարբերություն նախորդ տարիների, զգալի նվազում է։  

Ամբողջական պատկերը ըստ տարիների՝ ինֆոգրաֆիկայում․

Արփինե Հովհաննիսյան

[easy-social-share buttons="facebook,twitter,vk,telegram" counters=1 style="icon" point_type="simple"]