Հայկական բնակավայրերը՝ Ադրբեջանի հրետակոծության տակ․ տեսանյութեր, լուսանկարներ

Սեպտեմբերի 29-ին ադրբեջանական անօդաչու թռչող սարքերը կրկին հատեցին ՀՀ օդային սահմանն ու հարվածներ հասցրեցին Վարդենիսի շրջանի զինվորական և քաղաքացիական ենթակառուցվածքների ուղղությամբ՝ այդ թվում թիրախավորելով քաղաքացիական բնակչությանը, որի արդյունքում սպանվեց մեկ քաղաքացիական անձ, ռմբակոծվեց քաղաքացիական ավտոբուս։

«Փաստերի ստուգման հարթակը» եղավ տուժած համայնքներում և ցուցադրեց Նորակերտ համայնքի տարածքում ադրբեջանական հարձակման հետևանքները։

Ադրբեջանի հարձակման մյուս թիրախները եղել էին Վարդենիս-Սոթք ավտոճանապարհի աջ կողմում գտնվող գյուղերը՝ Շատջրեք, Գեղամաբակ, Շատվան և այլն։

Շատջրեք-Գեղամաբակ միջհամայնքային ճանապարհի հենց մեջտեղում երևում էր ադրբեջանական հրետակոծության թարմ հետքը։

Եվս երկու արկ ընկել էր Շատվան համայնքի տարածքում միմյանցից մոտ 200 մետր հեռավորության վրա։

Քարտեզի վրա կարող եք տեսնել ադրբեջանական հրետակոծության մասին վկայող տեսանյութերը։

Հիշեցնենք, որ սեպտեմբերի 27-ի վաղ առավոտյան Ադրբեջանը Արցախի հետ շփման գծի ամբողջ երկայնքով սկսեց լայնածավալ հարձակում՝ միաժամանակ կրակի տակ պահելով խաղաղ բնակավայրերը, այդ թվում՝ մայրաքաղաք Ստեփանակերտը։ Նույն օրը Ադրբեջանական ԱԹՍ-ները ներխուժել էին նաև Հայաստանի տարածք, որոնցից մեկը խոցվել էր հայկական զինուժի կողմից՝ Լուսակունք գյուղի տարածքում։

Սևադա Ղազարյան

[easy-social-share buttons="facebook,twitter,vk,telegram" counters=1 style="icon" point_type="simple"]