Հիվանդ տաքսիստների մասին ոստիկանապետի բառերը աղավաղվել են

Ասօր Hraparak.am կայքը ծավալուն մի հոդված ներկայացրեց «Ոստիկանապետը մաքրել է դաշտը գժերից ու դատվածներից» վերնագրով։

Մասնավորապես, անդրադառնալով կառավարության նիստի ժամանակ վարչապետ Կարեն Կարապետյանի կողմից բարձրացրած տաքսի ծառայության ոլորտում առկա խնդիրներին՝ հեղինակը «մեջբերում» է  կատարել ոստիկանապետ Վլադիմիր Գասպարյանի մեկնաբանությունից. «Նա հպարտությամբ հայտարարեց, որ «մաքրել է դաշտը հոգեկան հիվանդություններ ունեցողներից»»։

Ոստիկանապետի այս խոսքերը (որոնք ավելի են աղավաղվել հոդվածի վերնագրում) սակայն կտրված է հիմնական կոնտեքստից և չեն արտացոլում ամբողջական միտքը։

Իրականում, Վլադիմիր Գասպարյանը խոսել է լիցենզավորված տաքսիստների ցուցակները մաքրելու և ճշգրտելու մասին, որոնցում առկա էին հոգեկան խանգառումներ ունեցող մարդիկ։ Համաձայնվեք, այդքան էլ հաճելի չէ նստել մի տաքսի, որի վարորդը հաշվառված է հոգեբուժարանում։

«Ցավոք սրտի մի կողմից մենք հանում ենք, մյուս կողմից լիցենզիաները հատկացվում են», — մասնավորապես ասել է Գասպարյանը՝ փաստացի մատնացույց անելով ոլորտի համակարգային խնդիրներին:

[easy-social-share buttons="facebook,twitter,vk,telegram" counters=1 style="icon" point_type="simple"]