Մանկական հիվանդանոցում կորոնավիրուսով վարակված երեխա չկա. ապատեղեկատվություն Hayeli.am-ի կողմից

Hayeli.am-ը մարտի 12-ին «Ահազանգ. մանկական հիվանդանոցում կորոնավիրուսով վարակված երեխա կա» վերնագրով նյութ է հրապարակել և, հղում անելով իր ունեցած տեղեկություններին, գրել, որ «Սուրբ Աստվածամայր» բժշկական կենտրոնում կորոնավիրուսով վարակված 15- ամյա երեխա կա:

«Մեզ փոխանցեցին, որ պատանին օրերս է վերադարձել Վրաստանից, որտեղ մասնակցել է մրցումների: Նա շփվել է տարբեր երկրներից, ինչպես նաև Իտալիայից եկած մասնակիցների հետ: Տղային կորոնավիրուսի թեստ են արել, ինչը դրական է եղել: Այսօր արդեն երկրորդ անգամ են կատարել թեստը և սպասում են պատասխանին»,- գրել է hayeli.am-ը։

Fip.am-ի հետ զրույցում «Սուրբ Աստվածամայր» ԲԿ-ի մամուլի խոսնակ Գևորգ Դերձյանը նշեց, որ տեղեկությունը սուտ է։ «Hayeli.am-ի տեղեկությունն իրականությանը չի համապատասխանում, «Սուրբ Աստվածամայր» ԲԿ-ում կորոնավիրոսով դեպք չի արձանագրվել»,- ասաց նա։ 

Ֆեյսբուքյան էջում լուրը հերքել է նաև Առողջապահության նախարարության մամուլի խոսնակ Ալինա Նիկողոսյանը: «Պաշտոնապես տեղեկացնում ենք, որ կորոնավիրուսով վարակված երեխայի դեպք Հայաստանում չկա»,- գրել է Նիկողոսյանը։