168․am-ը ապատեղեկատվություն է տարածել ընտրախախտումների մասին

168.am կայքը, անդրադառնալով խորհրդարանական արտահերթ ընտրությունների ընթացքին, ապատեղեկատվություն է տարածել։ Կայքը, խոսելով նախընտրական պաստառների մասին, հայտնել է ապօրինի քարոզչության մասին։

«Ընտրությունների օրն ապօրինի քարոզչության հերթական դեպքը», — հնչեղ գլխագրով նյութը պարունակում է մեկ նախադասություն և երկու լուսանկար։ Լուսանկարներում երևում է ինչ-որ շենքի ճակատային հատվածում փակցված քարոզչական պաստառ՝ Դավիթ Սանասարյանի գովազդով։

Oրենքը, սակայն, չի պարտադրում հեռացնել նախընտրական պաստառները ոչ լռության և ոչ էլ քվեարկության օրը, և դրանց առկայությունը ինչ-որ շենքի ճակատային հատվածում չի հանդիսանում ապօրինի քարոզչություն։