Ադրբեջանի սահմանին հայկական զորք կուտակելու մասին լուրն առաջինը ռուսաստանյան ալիքներն են տարածել

Մարտի 30-ին ռուսական ու ադրբեջանական տելեգրամյան ալիքները տարածում էին հայկական զորքի ու զինտեխնիկայի տեղաշարժի մասին լուրեր ու տեսանյութեր։ Գրառումներում հայկական կողմին մեղադրում էին հայ-ադրբեջանական սահմանին լարվածությունը մեծացնելու և սադրանքներ հրահրելու մեջ։ Այս լուրերը հերքեցին ինչպես հայկական կողմը, այնպես էլ Հայաստանում ԵՄ դիտորդական առաքելությունը՝ նշելով, որ սահմանին ամեն ինչ հանգիստ է և արտասովոր տեղաշարժ չի նկատվել։